|
|
Die im Freistaat gesprochene Mundart ist die Thüringisch – Obersächsische, die viele regionsbezogene Mundarten vereint, wie auch die - Altenburger Mundart. Von unseren Vorfahren gesprochen, ist sie heute nur noch vereinzelt und abgeflacht vorzufinden.
Die Altenburger Mundart
Su, nuh kunnt Iehr mol laase wie de Olden gereedt hobe.
Wenklersch Arnstine
Wos Wenklersch Arnstine vun Doobschen wor, die wor be Harrschafts su monches Gohr uf´n Schlusse von Doobschen, in Puhlhufe o in Altenborg als Kengerfroo.
Wu Harrschofts warn, do geng se mit, se larnte ehrn Meedchen ´n irschten Schritt.
Su is se in Erikas Kengerohrn mit uf Weweh in de Schweiz gefohrn un hot in ehrer bauernschen Trocht veel Ufsan ongern Leiten gemocht, denn on Genfer Sie do trofen sich salt de grußen Leite aus aller Walt.
Wos hunn die ibber Arnstin´ gestaunt!
Die ließ sich´s nich kimmern. Hot gut gelaunt ehre Arbeit verricht, ehrn Spoß gemocht un ver olln ehre Kleene gut bewocht.
Doch wie dos su is´ seit de Walt bestieht, de Kenger warn gruß, iehr mer sich’s versieht, un die Erika hot´s ze wos Grußen gebrocht, se hot sich all Dichterin beriehmt gemocht.
Abber ehre Arnestine vergoß se nich, un jede Weihnochten mallte se sich, un immer kom se mit ehrer Frooge, Arnestine mußt ehre Winsche sooge.
Die wor mit der Zeit nu buckelj un olt un freete nich veel mieh noch dar Walt, un all se widder emol wor gefreet, do hot ses ierschtemol gekleet:
„Ach, engertaanje Erika, wenn ich mor an Schoden su besah, wos sull ich de gruß an Weihnochtsmann denke ? Wos mir fahlt, kunnte mer doch nich schenke, un hattste wie Rutschild Gald wie Hei, ´s helf olles nischt, ´s konn emol nich sei!“ -
„Na Arnstine, moch ner neene Soche, un winsch Dir wos Schienes, ich waars schunn moche!“ -
„Wos sull olles Winschen un Versprachen, hie hilft kee grußes Kuppzerbrachen, ich will dersch veroote, wos ich meene: E naues Kreize, e poor naue Beene!“
Un se hot ibbers gonze Gesichte gelocht. –
Die hots Christkind freilich nich gemocht, abber ´s hot Arnestine, wie immer veel Freide gebrocht.
Ernst Daube
 |
 |
 |
 |
 |
 |
 |
 |
 |